Obrak 13 asteko epea dute hasi zirenetik; beraz, bi hilabetez luzatuko dira lanak. Hala, obrak amaitu arte plazarako sarrera itxita egongo da, garabia dela-eta. Plazara sartu gura dutenek Ibargoia kaletik sartu beharko dira. Obraren aurrekontua da 292.000 euro ingurukoa.
ABB eta Udal artxiboa
Proiektuaren arabera, bi solairu egokituko dira hiltegi zaharrean. Lehenean, Aramaio Baserri Berriko produktuen erakusketa eta salmentarako gela jarriko dute. Horrez gain,bestelako erakusketak egiteko ere erabili ahalko dela aurreratu du Udalak. Bigarren solairuan, berriz, Udal artxiboa jarriko dute. Izan ere, oraingo artxiboa ez dago behar den moduan katalogatuta eta, gainera, txiki geratu da.