Sagardotegiko ugazaba Juanjo Peciñaren esanetan, uzta ona da aurtengoa: "Sagardoak heldutasun maila ona harrapatu du, garratz puntu bat badauka eta kolore nahiko argia. Usaintsua da eta, zaporeari dagokionez, lehor puntu bat badu, baina upelen arabera, beti ere. Kontserbatzeko aproposa da".
Iturrietan 9.500 litro sagardo egin dituzte; Aramaion, 125.000 kilo sagar erabili dituzte –asko zukua ateratzeko–; eta Araban, 250.000 kilotara ailegatzen da erabilitako sagar kopurua.
San Sebastian eguneko danbor hotsekin denboraldia irekita, zabalik daude Iturrietako ateak Aramaion.