Bilboko haurren parkera joateagatik 7 euro ordaindu behar dira, eta, 10 urtetik beherako neska-mutikoen kasuan, helduren batekin joan beharko dute. Izenematea, esan bezala, abenduaren 22ra arte dago zabalik udaletxean. Argibide gehiago bertan, 945 44 50 16 telefono zenbakian.
Gabon kantuak bihar Legution
Bestalde, Aramaioko talde batek parte hartuko du bihar, zapatua, Legutioko elizan izango den Gabon kantaldian. Otxandio, Oleta, Ubidea eta Legutioko bertako kantariek ere hartuko dute parte; 19:30ean hasiko da kantaldia.
Domekarako, berriz, Olentzeroren etxera, Izenadubara, joateko irteera antolatu du Zuiako Koadrilak. Mungiarako autobusa 16:30ean aterako da Aramaiotik.