Trikitixa taldekoak gustura herritarrek eskainitako berotasunagatik: "jende dezente animatu da dantzara eta plaza bete egin da". Gainera, datorren urtean Debagoieneko trikitilari eguna Aramaion egingo dutela ere aurreratu ziguten. Maiatzaren 7an izango da trikixa festa. Hala, trikitixa taldea sustatzeko eta ibarreko rtikitixa egunerako finantziazio bide gisa, Realeko, Athleticeko eta Juan Martinez de Irujo pilotariaren kamisetak zozkatu zituzten.
Gantzagarrak ere jaietan
Barikuan, kantu afaria egin zuten Gantzagako auzotarrek. Ume nahiz heldu, guztira 30 lagun aritu ziren euskal kantuak abesten. Umorea ez zitzaien falta izan eta El Rei Salomón moduko abestiak barre algara ederrak eragin zituen. Zapatuan, Aretxabaletako abesbatzak kontzertua eskaini zuen. Sorpresak ere izan ziren eta auzotarrek abesbatzaren 30. urteurrena ospatzeko bertsoa eta lore sorta bat eskaini zioten. Jarraian, lehen aldiz txapel poteoa egin zuten. Irudimen askoko txapela buruan jarrita, poteoa egin zuten auzotarrek.