Erromanikoaren ibilbidea
Ibilbide horretan, Oroko Ama Birjinaren Santutegia eta Zigoitiko Olano auzoko errota bisitatuko dituzte. Oroko Ama Birjinaren Santutegia Zuiako harkaitz famatuenetan dago kokatuta. Baselizaren barnean, Ama Birjinaren irudia dago, erretaula barrokoan. Bisita hori 10:30ean izango da domeketan eta 18:00etan zapatuetan. Olanoko errota berritua dagoen eta lanean diharduen errota gotikoa da. Bisitak 12:00etan izango dira domeketan eta 19:30ean zapatuetan.
Ibilbide etnografikoa
Bigarren ibilbide horretan, Goiuriko eliza, errota eta ur jauzia ezagutzeko aukera egongo da; 10:30ean domeketan eta 18:00etan zapatuetan. Bestalde, Izarra-Irubidaur museo etnografikoa ere bisitatuko da. Gure arbasoen bizimodua ezagutzeko aukera eskaintzen dute museoan aurkitzen diren altxorrek; Irteerak 12:00etan izango dira domeketan eta 19:30ean zapatuetan.
Aramaioko ibilbidea
Aramaioko txokoak ezagutzeko bisita gidatuak ere antolatu dituzte. Ibarra auzoko gune historikoa, Barajuen auzoa eta Olatezar gaztandegia ezagutuko dira ibilbide honetan. Ibarrako bisita 10:30ean egingo dute domeketan eta 18:00etan zapatuetan. Barajuengoa, berriz, 11:45ean domeketan eta 18:45ean zapatuetan. Uztailaren 12an, gainera, bisita antzeztua egingo dute Aramaion.
Izenematea eta ordutegiak
Ibilbidearen lehenengo puntuan izango dira irteerak, 18:00etan. Ibilbide bakoitzeko leku bakoitza, bestetik, independentea da, beraz, leku bakarrera joateko aukera ere egongo da (beti ibilbide bakoitzean zehaztutako ordutegian).Izena emateko beharrezkoa da aldez aurretik telefonoz deitzea (945 24 38 28). Bisita hasi baino ordubete lehenago deitzea nahikoa da. Informazio gehiago aurkitu daiteke www.cuadrillazuia.com webgunean.