Bisitak 10:30ean hasiko dira eta talde kopuruaren arabera zehaztuko dira; Pipaon, Urizaharra, Antoñana, Done Bikendi Harana eta Santikurutze Kanpezu bisitatzeko aukera izango dute talde desberdinetan banatuta. Bisitak egin ostean, 13:00etan, guztiak elkartuko dira, berriz, Lagranen meza entzuteko. 14:15ean, gero, bazkaria izango dute Lagraneko kiroldegian; Real Azteca mariatxiek girotuko dute bazkalostea. 17:30ean opari zozketa egingo dute eta dantzaldia Los Palmeras taldearekin. 20:00etan izango da itzulera.
Izena emateko epea uztailaren 3ra arte dago zabalik eta topaketan parte hartu nahi dutenek 26 euro ordaindu beharko dituzte. Vital Kutxan egin beharko dute ordainketa eta ziurtagiria izena emateko orriarekin batera aurkeztu beharko dute udaletxean.