Horien jabeak dira Gasteizko Udala eta Iberdrola. Mugak ipini eta gero, aldundiak baloratu egin ditu urtegi guztien azalerak eta hala, hiri lurrari dagokion kontribuzioa ordain dezaten eskatu zaie jabeei.
Bestalde, urtegia dituzten udalek beste eskaera bat egin diote Diputazioari: hain justu, 2008an, Ondasun Higiezinen Gaineko Zerga (IBIa) ezartzea urtegiei, baina landa-lurra moduan barik, ezaugarri bereziak dituzten ondasunak balira bezala.
Bikoiztu edo hirukoiztu
Bestela esanda, orain ordaintzen dutena baino zerga handiagoa ordain dezatela urtegiez probetxua ateratzen duten erakunde eta enpresek. 2008tik aurrera, Udalak orain jasoko duena bikoiztu edo hirukoiztu egingo litzateke.