Abiadura Handiko Trenaren lanak direla-eta Kataiako bidegurutzetik Untzillara bitarteko errepidea itxita dago eta horrela jarraituko du ekainaren 15era arte. Izan ere, errepide horren ertzean joango dira Abiadura Handiko Trena igaroko den biaduktuaren zutabeak eta hori horrela, errepidea zabaldu egin beharko dute.
Kataiako bidegurutzetik 300 metro aurrerago hasiko dira errepidea zabaltzen, esan bezala, Untzillara arte. Udalaren asmoa da, baina, errepidea bidegurutzetik bertatik zabaltzen hastea. "Errepide horretan trafiko handia dago, eta ez dirudi logikoa lehenengo 300 metroak estu mantentzea eta goiko aldea bakarrik zabaltzea. ADIFi eta Diputazioari eskatu diogu lanak bidegurutzetik bertatik hasteko", azaldu du Asier Agirre alkateak. Arabako Diputazioak onartu du Udalaren eskaera eta orain lanen ardura zeinen den zehazten ari dira, ADIFena edo Diputazioarena.
Errepidearen mozketaren ondorioz Untzillatik Arrasatera joan nahi izanez gero, Aretxabaletaraino joan behar da eta Aramaiora joateko, bestetik, Zabolatik itzulia egin behar da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
