Une honetan Aramaioko bideak erabilgarri daude

Goiza zoratzekoa izan da Aramaion; izan ere, Arrasaterako bide nagusia itxita egoteaz gainera, goizean itxita izan dute, baita ere, haren alternatiba den Untzillako bidea. Bi ordu behar izan du askok Aramaiotik Arrasatera iristeko. Edozelan ere, une honetan bideak garbi daudela jakinarazi dute Aramaioko Udaletik. Eta traktoreak eta gatza gertu dituztela datozen orduotarako.

Bestalde, norbaitek eguraldiaren edo bideen egoeraren berri behar badu, Aramaioko Udalarekin jar daiteke harremanetan: 945 44 50 16. "Badabil jendea deika", kontatu dute udal langileek.

Jakinarazi dute, baita ere, halakoetarako protokoloa indarrean dutela, eta guneka, traktoreak badabiltzala palak ipinita bazterrak garbitzen. Horrez gainera, eta datozen orduotarako iragarrita dagoen izotzari aurre egiteko ere gertu daudela jakinarazi dute, biltegian "nahikoa" gatz badutela eta traktoreek eurek ere badutela gatza.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.