Udalak azaldu du herriko kultura eta kirol elkarteek GPS berria erabiltzeko aukera izango dutela. Horretarako, baina, erabiltzaileek ikastaro labur bat egin beharko dute, bestela, ezingo dute GPSa eskatu. Hori horrela, ikastaroa egiteko interesa dutenek martxoaren 15a baino lehen eman beharko dute izena udaletxean. Ikastaroaren eguna zehaztu gabe da oraindik, baina Udalak proposatu du martxoaren 19an egitea, 19:30ean. Interesatuei deitu egingo zaie ikastaroaren eguna zehazten denean.