Udaleko ordezkariak Frantzian izan berri dira energia berriztagarrien inguruko azoka batean. Bertan egurra erabilita energia sortzeko moduak ikusi dituzte. Herritarrei azokan ikusitakoa azaldu nahi diete orain. Eguaztenean 19:00etan, osoko bilkuraren ostean, udaleko ordezkariek Frantzian ikusitakoak azalduko dizkiete herritarrei.
Aramaioko Udalak energiaren gastuak murriztu nahi ditu, eta herrian energia berriztagarriak bultzatu. Azken hilabeteotan horretan dabiltza lanean Udaleko ordezkari eta teknikariak. Frantzian izan berri dira, zenbait herritan helburu horrekin garatu dituzten proiektuak ikusten. Censeau herrian izan dira, 320 biztanle dituen herrian. Bertan egurra erabiliz, bost eraikinetako ura eta etxebizitzak berotzeko argindarra lortzen dute.
Aramaioko alkateak azaldu du oso interesgarria dela bertan ikusitakoa, eta herritarrei azaldu nahi dizkietela proiektu horren xehetasunak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak