Atzo arratsaldean osoko bilkura egin zuten Aramaion eta zinegotzi denak bat etorri ziren Espainiako gobernuak E planaren bigarren fasean emango duen diruarekin zer egin erabakitzerako orduan. 160.972 euro jasoko ditu orotara Aramaioko herriak. Udalak deialdi ireki bat egin zien herritarrei euren proposamenak egin zitzaten eta bide horretatik, guztira, 25 proposamen jaso ditu udalak.
25 proposamenetatik 3 onartu dituzte: Oleta auzoan suaren kontrako azpiegiturak hobetzea, Goiko-errotako fosatik datozen ur-zikinak Ibarrara bideratzeko azpiegitura egitea, eta 300 metro koadroko eraikin bat egitea.
3 proiektu hauek aukeratuta, Madrilera eramango dituzte eta gobernu zentralak bere onespena ematen badie, berehala hasiko dira proiektuak garatzeko lanean.