Santikurtz ermitak aurpegi berria dauka

Santikurtz ermita oso egoera txarrean zegoen; teilatua erortzeko zorian eta barrutik ere nahiko hondatuta. Hori horrela, herritar talde batek erabaki zuen auzolanean ermita goitik behera eraberritzea. Deialdiak arrakasta izan zuen; hasiera batean ez zuten zorterik izan, eguraldi txarra zela-eta pare bat bider atzeratu egin behar izan zuten-eta deialdia. Baina, uda honetan azkenean ere lortu zuten helburua; asteburuak aprobetxatuta txukun-txukun utzi zuten ermitan.

Migel Angel Burgiren zuzendaritzapean egin zituzten konponketak eta emaitza ikusi besterik ez dago; Santikurtz ermitak aurpegi berria dauka.


Teilatua guztiz eraberritu dute, barruko zein kanpoko hormak konpondu eta sendotu dituzte eta paretak, burdinazko hesia eta egurrak margotu dituzte. Horrez gain, aipatzekoa da Iturri-Zuri elkarteko emakumeek erretaularekin egin duten lan bikaina; jaso eta herrira eraman zuten eta eskulan eskolan berritu egin zuten. 


Ermitaren berritze lanak bultzatu dituen taldeak eskerrak eman nahi dizkie konponketa lanetan parte hartu duten guztiei. Urtarrilaren 1ean Orixol mendizale askoren topagune izango da beraz, aukera ezin hobea izango da Santikurtz ermitaren aurpegi berria ikusteko.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.