Parte hartzaileak Aramaioko parketik abiatuta bizikletan Arrikoitiraino igo beharko dira. Horretarako, beharrezkoa da kaskoa eramatea. Arrikoititik, gero, korrika jaitsi beharko dira berriz parkera. Korrikalariek txaleko distiratsuak eraman beharko dituzte. Parkera iristean, trebezia proba bat egin beharko dute. Gazteendako ibilbide laburragoa antolatu dute. Izena emateko epea zabalik dago. Herriko tabernetan banatu dituzte izenemateko orriak.
Esaldi lehiaketa
Txirritolaren udako postal lehiaketa ere abian da. Postalean euskararen aldeko mezu bat jarri behar da, eta baita bisitatzen den lekuaren bitxikeriaren bat ere. Postalak Txirritola elkartean aurkeztu beharko dira irailaren 15 baino lehen.