Dirulaguntza
Sastiñan konponketak egiteko Arabako Diputazioari dirulaguntza eskatzea adostu zuten joan zen eguaztenean egindako osoko bilkuran. Hirigintzako zinegotzi Martin Arriolabengoak azaldu zuen Arabako Diputazioak ondare kulturala diren eta babestuta dauden eraikinak konpontzeko dirulaguntza eskatzeko epea zabaldu duela Diputazioak.
Arabako gotzaitzarena
Sastiña ermita Arabako gotzaintzarena da, berez, baina, Aramaioko Udalak kultura ekimenetarako erabiltzeko eskumena du. Dena dela, ez dago inolako idatzizko hitzarmenik hori esaten duenik. Hori horrela, eta konponketa lanak egiteko, Udalak lehenengo lagapen hori formalizatu nahi du eta hitzarmena idatziz zehaztu.
Udala ipini da dagoeneko Arabako gotzaintzarekin harremanetan eta erantzun baten zain daude orain. Ez dakite lanak noiz hasiko diren eta noiz arte egongo den itxita Sastiña. Baina Hirigintza Sailetik azaldu dute herriari zerbitzu handia eskaintzen diola-eta konponketak ahalik eta lehen egin nahi dituztela.