Plan Orokorraren aurreproiektua ikusgai dago udaletxean

Udalak jaso du dagoeneko Stoa enpresak landutako Plan Orokorraren aurre proiektua eta herritarren eskura ipini dute; datozen hiru hilabeteetan osoko bilkuren aretoan egongo da ikusgai eta baita udal webgunean ere.

Alkateak azaldu du iradokizunak egiteko momentua dela orain. Herritarrek euren proposamenak egiteko aukera izango dute. Agirrek azaldu du Udal Gobernua ez dagoela gustura Stoak aurkeztutako planarekin eta eurak ere iradokizunak egingo dizkiotela: "Ez gaude ados hor planteatzen diren zenbait punturekin eta geuk ere gure proposamenak egingo dizkiogu. Herritarrei esan nahi diet euren kexak ere kontuan hartu eta Stoari aurkeztuko dizkiogula plana berraztertzeko eskatuz".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.