Izan ere, Udalbatza berriak, gobernura iritsi zenean, aurretik garatutako Plan Orokorra bertan behera uztea erabaki zuen. Horrekin batera, dirulaguntza hori jasotzeko epea ere atzeratu egin zen. Aramaioko Udalak Plan Orokorraren aurre proiektua onartzen duenean jasoko dute 32.000 euroko dirulaguntza hori.
Lurzoruaren legean hainbat aldaketa izan direla-eta Plan Orokorra atzeratuta doa. Udaletik azaldu dute uste zutena baino eragozpen eta arazo gehiago aurkitu dituztela plana garatzerako orduan. Alkateak adierazi du, baina, urtea amaitu aurretik prest egongo dutela.