Pertsona ezinduei zuzendutako laguntzen deialdia egin dute

Aldundiak Gizarte Ongizaterako Erakundearen bitartez pertsona ezinduei zuzendutako diru‑laguntzen deialdiaren berri eman du. Eskabideak aurkezteko epea urriaren 15ean amaituko da. Argibide gehiago nahi izanez gero, udaletxeko gizarte laguntzailearen bulegora jo daitekeela jakinarazi dute Udaletik bertatik.

Deialdiaren arabera, honako hauek dira diru‑laguntza jaso ahal izango duten laguntzak:

  • Etxebizitzan irisgarritasuna lortzeko laguntzak.
  • Etxeko jarduerak egiten laguntzeko produktuak.
  • Zaintza eta babes pertsonalean laguntzeko produktuak.
  • Komunikazioan eta informazioan laguntzeko produktuak.
  • Mugikortasun pertsonalean laguntzeko produktuak eta leku batetik bestera joateko gaitasuna handitzen duten laguntzak.
  • Laguntza espezializatua.

Eskabideak aurkezteko epea, azaldu moduan,  2009ko urriaren 15ean amaituko da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.