Pentsiodunek bainuetxeetara joateko eskaera egin dezakete

Bainuetxeetara joan nahi duten Gizarte Segurantzako pentsiodunek ondorengo baldintzak bete beharko dituzte: erretiro eta ezintasuna dela eta pentsiodun direnek baldintzarik gabe joateko aukera izango dute. Alarguntza edo bestelakoengatik pentsiodun direnek, berriz, 60 urtetik gora izan beharko dute. Eskaera egiteko gizarte langilearen udaletxeko bulegora jo besterik ez duzue.


Txandei dagokienez, urtarrila eta otsaila bitarteko hileetan joan nahi dutenek abenduaren 12ra arte dute eskaera aurkezteko epea. Martxotik abuztura bitarteko hileetan joan nahi dutenek, urtarrilaren 16ra arte,  eta irailetik abendura, berriz,  2008ko maiatzaren 16ra arte.

Hona hemen eskaera egiteko beharrezkoak izango dituzuen agiriak:

  • NANaren fotokopia.
  • Hilean jasotzen duzun pentsioaren zenbateko zehatza.
  • Gizarte Segurantzako afiliatu-zenbakia.
  • Medikuaren txostena (gizarte-laguntzaileari eman).


ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.