Makina bat gai landu dituzte oraingo asteko osokoan. Bestelakoen artean, onartu zuten Aramaixoko Sagarzalien Elkartearekin (ASE) hitzarmena sinatzea. Haren bitartez, kultura etxearen azpialdean Udalak dituen hiru lokaletatik bi ASEri utziko dizkio bi urterako.
Ura hartzeko eskaera
Udalbatzarrak onartu zuen, baita ere, elizaren fatxada berritzeko dirulaguntza ematea. Aurrekontua da 9.030,15 euro, eta kopuru horren erdia emango du Udalak.
Bestalde, Legutio udalerritik beste eskaera bat jaso du Aramaioko Udalak: baimena Aramaioko bi iturritatik ura hartzeko, Legutiorako. Azken udalerri horretan ur gutxiago dutelako egin dute eskaera hori. Udalak onartu egin du eskaera.
Laguntza kontuekin jarraituz, Udalak Diputazioari auzolanetarako laguntza eskatzea ere onartu zuten; hain justu ere, Etxaguen, Suña, Untzilla, Arriola eta Uribarri auzoetan eta ASEren lokaletan auzolanak egiteko.
Bukatzeko, bestelakoen artean, onartu zuten musika irakaskuntzarako 17.353,24 ematea.