Hori horrela, Udaleko ordezkariek uste dute ez dagoela autoa zertan debekatutako lekuetan utzi. "Badakigu Aramaion autoa ondo aparkatzeko arazoak egoten direla. Baina aurrerantzean ez dago aitzakiarik. Herriko plazatik gertu bi aparkaleku egokitu ditugu-eta", azaldu du Asier Agirre alkateak. Hori horrela azaldu dute, hemendik aurrera, neurriak hartuko dituztela gaizki aparkatutako autoak zigortzeko.
Nardeaga oinezkoendako
Udalak herritarrekin batera herrigunea antolatzeko plana garatu du. Proiektu horren zehazten da, besteak beste, Nardeaga kalea oinezkoendako bihurtzea. Udalak azaldu du, horretarako, laster seinaleak ipintzen hasiko direla. Lanak bukatutakoan, beraz, ezingo da autoz sartu, ezta aparkatu ere Nardeaga kalean. Udalak aurreikusten du beharrezko aldaketak egitea uda iritsi baino lehen.