'Baserri barri' egitasmoaren barruan, kontsumo talde bat sortuko dute Aramaion, bertako baserritarrekin harreman zuzena landu eta haien produktuen kontsumoa bultzatzeko. Horretarako bilera deitu dute urriaren 14rako.
Aitor Larrañaga azkoitiarra ari da Baserri Barri egitasmoko koordinatzaile lanetan eta bilera urriaren 14an egingo dute Sastiñan, 19:00etan. Gaiarekin interesatutako herritar guztiak daude deituta bilerara. Usurbilgo Usurbiltzen eta Beizamako Uztaro kooperatibako ekoizle zein kontsumitzaileek euren esperientziaren berri emango dute.
Aramaion ideia zera da: kontsumo taldeko kide bakoitzak hilero kuota finko bat ordaintzea eta trukean baserritarrek ekoiztutako produktuekin osatutako saskia jasotzea astero. Elikadura ohiturak berreskuratuz modu osasuntsuan jateaz gain, bitartekariak saihestu eta nekazaritza babestu nahi dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak