Maiatzaren 5ean, astelehenean, manifestazioa eta batzarra egingo dute 20:00etan. Asteartean, gero, 10:30ean udaletxe parean protesta egingo dute. Izan ere, Sustapen Ministerioko ordezkariak ordu horretan joango dira aktak egitera.
AHT Gelditu Elkaralanetik adierazi dute Aramaion Abiadura Handiko Trenak 600.000 metro koadroko lur eremua okupatuko duela. Azaldu dute 1.405 metroko luzeera eta 70 metroko altuera izango duen biaduktoa egingo dutela, eta salatu dute horrek sekulako kalteak eragingo dituela hainbat auzotan. Haranak zatituko dituen langa artifizial bat ere egingo dutela adierazi dute, eta tunelen zulaketatik ateratako hondakinekin mendi magalak zakartegi bilakatuko direla.