Andere Arriolabengoak, Iker Agirrek eta Xabier Igoak ezin izan dute finalerako paserik lortu. Manex Agirrek Iñaki Viñaspre, Rikardo Gonzalez de Durana, Juan Mari Juaristi, Oihane Perea eta Asier Otamendi izango ditu lagun taula gainean finalean. Azken bi horiek izan ziren, hain justu, Aramaioko finalerdian sailkatu zirenak.
Kultura etxea, beteta
Atzo Aramaion jokatu zen finalerdiak kultura etxea goraino betetzea lortu zuen, jendez lepo egon zen aretoa. Andere Arriolabengoak eta Xabier Igoak herritar asko batu zituzten sailka zitezen animoak ematen eta, jakina, saioaz gozatzen. Eta, jakina, aramaioar biek batu zituzten txalo zaparrada handienak. Giroa benetan polita eta beroa izan zen.