Maider Undak gaur (eguena) du mediku azterketa, munduko txapelketarako

Maider Unda (1977, Olaeta) Danimarkan da, munduko txapelketan parte hartzeko. Hain zuzen ere, gaur, mediku azterketa eta pisatzearen ondoren jakingo dute zozketan zein kontrario tokatu zaion. Undaren helburua da orain bi urte lortutako bosgaren postua hobetzea.

Martitzenean, irailaren 22an, abiatu zen Maider Unda borrokalari oletarra Danimarkako Herning hirira, munduko txapelketa jokatzera, eta hain zuzen ere, gaur jakingo du zeinen kontra borrokatu beharko duen, pisatzea egin ostean.

Maider Undaren gaineko blogean diotenez, "sasoi onean" heldu da munduko txapelketa honetara eta "duela bi urte Bakun (Azerbaiyan) lortutako bosgarren postua hobetzea du helburu".

Edozelan ere, urte zaila izan du borrokalari aramaioarrak, ezin izan duelako "benetako maila eman, sorbaldan izan dituen arazoengatik".

Hala eta guztiz ere, 2009an egindakoen artean, Espainiako txapela lortu zuen, otsailean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.