Ez zen batere erraza izan Undarendako eta indar erakustaldiak eman zion hirugarren postua podiumean. Lehen bueltan Alena Perepelkinari irabazi zion eta bazirudien finalerako hautagaia zela. Baina Mongoliako Ochirbat Burmak urrerako aukera kendu zion Oletako kirolariari. Gero, ordea, Xiaoqing Qin txinatarraren aurka galdu eta bidea ireki zion Undari bigarren aukerarako.
Lehen borrokaldian Jenny Fransson suediarrarekin neurtu zituen indarrak eta baita irabazi ere. Gero eta gertuago zuen domina, borrokaldi bakarrera, hain zuzen ere. Marina Gasti aurrez aurre zuela borrokaldi gogorra jokatu zuen. Sudurra odoletan zuela lehen zatia 0 eta 1 galdu ostean buelta eman zion bigarrenean eta hirugarrenean 3 eta 0koarekin lortu zuen brontzezko domina.