Luis Alberto Zarrabeitia: "Aramaio eta Arrasate arteko lur-jausiak eragindako egoera konpontzeko gure eskuetan dagoen guztia egiten ari gara"

Hala azaldu digu Luis Alberto Zarrabeitiak, Arabako Herri Lan eta Garraio diputatuak, Aramaioko udaletxean udal ordezkariekin izandako bileraren ostean. Aramaio eta Arrasate arteko lur-jausiak eragindako egoerak ez dauka konponbide erraza: sei bat hilabete beharko dituzte mendiak behera egindako tokian errepidea errekaren beste aldetik desbideratzeko eta hilabete, bide alternatiboa baldintza egokietan jartzeko.