'Larru haizetara' antzezlana barikuan Aramaion

Txirritola euskara elkartearen eskutik, barikuan, urriaren 15ean, 'Larru haizetara' antzerki emanaldia izango da kultura etxean, 22:00etan. Sarrerak 2 eurotan salduko dituzte.

Ez Dok Hiru Biko Teatro konpainiak ekarriko du antzezlana eta sarrerak 2 eurotan salduko dituzte. Patxo Telleriak sortutako antzezlana da eta, Aitor Mazoren zuzendaritzapean, Mikel Martinez eta Telleria bera izango dira agertokian. Haien hitzetan: "Euskaldunon bizitza sexuala aitzakia hartuta, barrea eragitea da helburua eta nahiko estilo zoroa duen antzezlana dela esango genuke. Sexu-terapia kolektibo bat ere izan daiteke". Martinezek eta Telleriak urteak daramatzate bikote artistiko moduan eta berbaldi motz eta zirikatzaileak dira haien ezaugarrietako bat.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.