Bi herri horien arteko hirugarren desafioa da aurtengoa. Lehenengo urtean Amurriarrak izan ziren garaile eta bigarrenean Aramaioko Kurtzeta-Gain elkartekoak. Azken urteko emaitza errepikatzeko asmoa daukate aramaioarrek aurten. Baina esan bezala, datorren zapatuan, Amurrion egingo den tiroketara arte itxaron beharko da hori jakiteko.
Zapatuan 16:00etan hasiko da tiroketa. Baina izenematea zabalik egongo da 18:00ak arte. Irabazten duenak irabazita ere, guztiek ospatuko dute emaitza. Afaria egingo dute zapatuan bertan Amurrioko jatetxe batean. Edonor joan daiteke afarira. Kurtzeta-Gain elkartekoekin jarri beharko dira harremanetan horretarako. Bazkide ez direnek 32 euro ordaindu beharko dituzte.