Bertan parte hartzeko junior mailakoek, beteranoek eta emakumeek hiru euro ordaindu beharko dituzte eta gainontzekoek, berriz, hamar euro. 25 plateretara jokatuko dute lehiaketa. Erregularitateko seriendako, bestetik, lehenengo 15 plateren emaitzak hartuko dira kontuan.
Sariak
Lehenengo hamar postuek saria lortuko dute. Urdaiazpiko bana jasoko dute lehenengo hirurek; laugarrenak solomoa lortuko du eta bosgarrenak gazta. Gainontzekoek, txorizoa eta ardoa jasoko dute sari gisa.
Denboraldiari behar bezalako amaiera emateko, gero, afaria egingo dute Uribarriko elkartean. 19:30ean urteko batzar nagusia egingo dute bazkideek eta ondoren afaria. Afaltzera joan nahi duenak izena eman beharko du irailaren 23a baino lehen. Mikel Uribarrenekin jarri beharko da kontaktuan.
Kurtzeta-gain saria
Hilaren 6an Kurtzeta-Gain saria jokatu zuten. Enrique Ullibarriarana eta Aitor Abarrategui aramaioarrek bigarren eta hirugarren postua lortu zuten, hurrenez hurren. 71 tiratzaile izan ziren eta horietatik 14 aramaioarrak.