Aramaioko gaztetxoak tailer mordoa egiten dihardute azkeneko asteetan. Eskumuturrekoen tailerra egin zuten maiatzaren 18an, txotxongilo tailerra pasa zen eguaztenean, eta orain, karterak egiten ikasteko aukera izango dute.
Datorren eguaztenean izango da hori. Aramaioko ludotekan egingo dute tailerra, 16:15etik 17:30ak bitartean. Ana Muñoa izango dute irakasle eta esne kaxekin egingo dituzte diru-zorroak. "Kaxak moztu ostean, belkroa jarriko diegu. Metal kolorekoak izango dira karterak, kaxen barrualdeko kolorekoak. Dena dela, norberak, gero, nahi duen moduan margotu ahal izango du bere diru-zorroa" azaldu du Muñoak.
Lehenengo Hezkuntzako ikasleei zuzendutako tailerra da, lehenengo maila eta seigarren maila bitartekoei. Dena dela, Muñoak azaldu du beste edonork karterak egiten ikasteko gogoa badu, Ludotekan agertuz gero, tailerrean parte hartzeko aukera izango duela.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak