Emakumea amatasunaren deia jaso ostean medikuaren kontsultara joango da intseminazio artifiziala egin diezaioten. Mutila, berriz, semen emailea da eta hilero bezala bere dosia ematera doa. Ustekabeko kointzidentziaren ondorioz ezagututako bikotea etengabeko gaizki ulertuan murgilduko da eta egoera barregarri eta zalapartatsuak eragingo ditu horrek. Elkar ezagutu behar ez zuten eta behar baino gehiago elkar ezagutuko duten bi pertsonaren arteko komedia dibertigarria da Kanpaiak jo bitartean.
Euskal Herriko makina bat areto bisitatu ostean, bihar, zapatua, Aramaioko kultura etxera iritsiko dira. Antzezlana 22:30ean hasiko da.