Hala Bedi irratiak eta Arabako Bertsozale Elkarteak antolatu dute Bertxoko Sariketa azken hiru urteotan.
Gasteiztik autobusean etorri ziren zale asko Aramaiora, eta bertsolari bakoitzak bere afizioa ere ekarri zuen. Afal ostean ere herriko eta bestelako jende dezente hurbildu zen saioa ikustera.
Doinu ezagun batean egindako agur puntuagarri originalak entzun ostean, zortziko nagusian gai serioetan jarri zituen bertsolariak Manex Agirrek. Gero zortziko txikian umore ale batzuk entzun ahal izan ziren, eta bakarka, 2 puntu erantzun eta bertso bat audio bati, ere fin ibili ziren. Amaitzeko, hamarreko txikia kartzelan kantatu behar izan zuten. Eta amaitzeko, hirunaka, trikitiarekin lagunduta, hiruna kopla osatu behar izan zituzten.