Prentsaurrekoan emandako datuen arabera, 30 urterako zigortu zuten Agirre eta 1996an bete zituen zigorraren 3/4ak, eta 2006ko urrian aske utziko zutela jakinarazi zioten. Hala ere, urte bereko irailean, Entzutegi Nazionaleko doktrina berria indarrean sartu (Parot doktrina) eta, hori horrela, 2011ko maiatzaren 3ra arte luzatu zioten kartzela zigorra, 30 urteak osotasunean bete eragiteko.
Espetxe politika
Hori horrela, preso aramaioarraren egoera salatzearekin batera, gaur egungo espetxe politika salatu gura dute, eta eskatu sakabanaketarekin amai dezatela eta baita bizitza osorako zigorrekin ere. Era berean, euskal preso politikoak askatzea "premiazkoa" dela uste dute, eta salatu gura dute, baita ere, momentu honetan espetxeetan oso egoera larria bizi dela.