Ikuskizuna taldea zortzi pertsonek osatzen dute, guztiak ere gaitasun eta arma bikainez hornituta. Koreografo, musikari, dantzari eta dekoratzaileak daude tartean. Guzti horren gainetik, baina, lagun talde baten ametsa dela diote taldekideek. Ikuskizun berezia eta orijinala egin nahi zutela argi zeukaten, eta hori lortzeko lanean hasita, mila bider errepikatu zuten ikuskizuna hitza. Hortik dator, hain justu ere, taldearen izena.
'Geroago'
Geroago lana da Ikuskizuna taldearen lehenengo antzezlana eta hainbat gauza konbinatzen ditu; gorputzaren adierazkortasuna eta imajinazioa, besteak beste.
Denetariko erritmoak erabiltzen dituzte euren antzezlanean, baina musika klasikoak protagonismo berezia dauka. Dantzak ere era guztietakoak dira, eta musika klasikoari aurre egiten dioten gaur egungo dantza asko daude. Euskal folkloreak ere badu bere tokia Geroago antzezlanean.