Emaitza bikainak lortu dituzte asteburu honetan Arabako Bertso Txapelketan dabiltzan hiru aramaioarrek, izan ere, hirurek eskuratu dute finalaurrekoetarako txartela.
Andere Arriolabengoak barikuan Lantziegoko Luis R upategian egin zen kanporaketan parte hartu zuen. Egin beharreko lanak eginda, 146,5 puntu lortu zituen, eta laugarren sailkatu zen.
Manex Agirrek eta Iker Agirrek berriz zapatuan izan zuten kanporaketa Aguraingo Saraiola jatetxean. Manex hirugarrena izan zen 151 punturekin; Iker berriz, bosgarrena 142,5ekin. Hamabi bertsolari pasa dira finalaurrekoetara: jokoan egon diren hiru kanporaketetako lehenak eta denera puntuazio oneneak lortu dituzten lehen bederatziak. Horrela lortu zuten txartela aramaioarrek.
Finalaurrekoak, berehala
Manex Agirrek martxoaren 9an Gopegin egingo den finalaurrekoan hartuko du parte. Arriolabengoak eta Iker Agirrek martxoaren 16ko Aramaioko finalaurrekoan saiatuko dira finalean burua sartzen.