Herritarrek egindako egutegia argitaratu eta etxez etxe bidali berri du Udalak

2007ko egutegia argitaratu eta etxez etxe bidali zuen Udalak joan den astean. Hain justu ere, 700 ale banatu dituzte Aramaioko etxe eta baserrietan.

Parajeak, auzoak eta jendea

Aramaioko Udalak antolatutako argazki lehiaketako argazkiak erabili dituzte egutegia osatzeko, "hiru irabazleen argazkiak gehi finalista geratu zirenenak sartu ditugu", argitu du Udaleko Kultura teknikari Rosa Mondragonek. Herriko auzo, paraje eta bestelakoei egindako argazkiak direla ere kontatu du: "Uribarri, Arexola… auzoak agertzen dira. Orixol ere bai. Eta pare bat argazkitan jendea ere ikus daiteke: Barajuengo jaietan, Aramaioko jaietan (trikitilari taldea) eta Besaide egunean".  

Bestelako elementuak

Argazkiez gainera, bestelako elementuak ere gehitu dizkiote egutegiari, guztiak ere, Aramaioko ukituarekin: "Orri bakoitzean Aramaioko esaera zahar bat idatzi dugu, Juan Garmendiaren liburutik ateratakoa", dio Rosa Mondragonek; "horrez gainera, tenporak markatuta daude eta egutegiaren azalean bertso eskolakoek egindako bertso bat ipini dugu. Azken orrian, berriz, herriko telefono interesgarriak gehitu ditugu. Oso polita geratu da eta orain arte entzun dudanarengatik jendeari gustatu zaio".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.