Haizeak eragin zuen urtarrileko matxura argindarrean

Aramaioko Argindar Banatzaileak jakinarazten du pasa den urtarrilaren 24an Aramaion gertatutako matxura haize bolada handien eraginez sortu zela. Iberdrolaren sarean, Aretxabaletatik Aramaiora datorren lerroan gertatu zen eta fusible bat hondatu zen.

Maxtura gertatu eta berehala, Aramaioko Argindar Banatzaileak Iberdrolako Eragiketa Zentroari jakinarazi zion. Dena den, beste herri batzuetan egoera berdintsua izanik, teknikoa ez zen igande goizalderarte gerturatu matxura konpontzera.

Kaltetuen interesak defendatzeko asmoarekin, Aramaioko Argindar Banatzailea bere aseguru etxearekin jarri da harremanetan eta kontuan hartuz, egoera "ezinbesteko kasu" bezala kontsideratu zela, ondorioztatzen da ez dagoela erreklamaziorik aurkezteko aukerarik. Dena den, edozein bezerok honen inguruko argibide gehiago nahi izanez gero, udal bulegoetan jasoko du behar besteko informazioa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.