Aramaioar gutxi batzuek, baina, telebistako seinalea Muru menditik jasotzen dute. Haiek seinale analogikoa jasotzen jarraitzen dute; izan ere, Muruko antena ez da urtarrilaren 30era arte itzaliko.
Goiena Telebista pare bat aste barru hasiko da seinalea modu digitalean eskaintzen; dena dela, jakin beharra dago apirilera arte GOITB modu analogikoan ikusteko aukera ere egongo dela. Horretarako, ikusleek Lurreko Telebista Digitaletik irten beharko dute eta orain arte moduan ikusi Goiena Telebista.