Sinopsia:
Apaiz batzuek zuzentzen duten diziplina gogorreko udaleku batean gertatzen da istorioa, eta bertan dauden 16 urteko neska-mutilen abenturak kontatzen ditu, musika eta koreografiak oinarritzat hartuz. Uda honetan, telefilmaren kokaleku izan dira Euskal Herriko hainbat herri eta toki, tartean Azpeitia (Gipuzkoa) eta Aiako Harria (Gipuzkoa). Proiektu hori sortzeko ideia High School izeneko film musikalean dago oinarrituta. ETBko zuzendari Bingen Zupiriaren esanetan, «ume guztiek ikusi zuten High School, eta horrelako film bat euskaraz egiteko erronkari heltzea pentsatu genuen. Hori izan zen Go!Azen-en lehenbiziko hazia. Gero, sortuz joan dira gainontzeko kimuak eta adarrak».