Datorren asteburuan ere ikusgai egongo da udaletxeko arkupetan Hiri Mestizua erakusketa: barikuan 18:30etatik 20:00etara; zapatuan 12:00etatik 14:00etara eta 17:30etik 19:00etara eta domekan 12:00etatik 14:00etara eta 18:00etatik 20:00etara. Zaragozako Convive gobernuz kanpoko erakundea da erakusketaren arduraduna, eta 20 argazki inguru ikus zitezkeen. Helburua zen herritarrei desberdintasuna eta pobrezia sortzen duten arrazoien inguruan hausnarketa bat egin araztea. Horrez gain, herritarrei beste herrialde batzuei laguntzeko dauden programetan parte hartzeko informazio eman nahi zitzaien.
Helburu horretarako, baina, ez dute erakusketa bakarrik erabiliko. Izan ere, zapatuan, umeendako ipuin kontalariak izan ziren kultura etxean, eta Kandelen argipean ikuskizuna eskaini zuten. Umeak adi-adi egon ziren beste herrialde batzuetako pertsonaien istorioak entzuten.
Gainera, eta erakusketarekin lotuta, aste honetan tailerrak egingo dituzte. Eguenean eta barikuan izango da hori. Umeek euren izena arabieraz idazten ikasiko dute, besteak beste.
Gaztetxoak gustura egon ziren atzo ipuinak entzuten
'Hiri mestizua' erakusketarekin lotuta, zapatuan, 'Kandelen argipean' ipuin kontaketa eskaini zuten Aramaioko kultura etxean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
