Soziolinguistika Klusterrak euskararen kale erabileraren neurketa egin zuen 2008 urtearen amaieran Aramaion. Azterketa horren emaitzak honakoa dio: Aramaion kalean entzundako elkarrizketen %56,2 izan ziren euskaraz. Datu hori 2003an egindako azterketarekin alderatzen badugu beherakada nabarmena izan da; orain dela bost urte elkarrizketen %61,9 izan ziren-eta euskaraz. 2001an ere beste neurketa bat egin zen eta orduan %65,4k erabili zuten euskara. Tendentzia, beraz, beheranzkoa da eta horrek asko arduratzen du Udaleko Euskara batzordea.
Dena dela, gazteetan euskararen erabilerak izan duen beheraka ikusgarria da. Gazteetaz berba egiten dugunean 14 eta 25 urte bitarteko herritarrez ari gara. Adin tarte horretan, esan bezala, erabilerak sekulako beherakada izan du: 2001ean %81ek erabiltzen zuten euskara eta gaur egun, berriz, %32k. Helduetan ere behera egin du euskararen erabilerak: %60,9tik %45,6ra.
"Oso arduratuta gaude. Badirudi orain arteko mitoa apurtu egin dela. Beti esan izan da Aramaio Arabako herri euskaldunena dela. Uste dugu jende askok hori erabiltzen duela aitzakia moduan gaztelerara pasatzeko. Gainera hausnarketa bat egin beharko dugu. Gazteek zeinek eredua jarraitzen dute?", azaldu du Rosa Mondragon euskara teknikariak. Euskara batzordeak 2009rako euskara sustatzeko akzio plan bat landu du. Dena dela, azken neurketa horren datuak ezagutu ostean azaldu dute herriko gazteekin esfortzu berezia egin beharko dutela egoerari buelta emateko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
