Horretarako, Aramaio S.O.S. eta Zabaldu bidea leloa zuten pankartak, eta lanen argazkiekin osatutako panelak eraman zituzten.
Horrez gain, plastizkozko pantaila bat eraman zuten eta hainbat herritar barrura sartu ziren. Hala, irudikatu zuten Aramaioko herria itxitura baten barruan isolatuta dagoela. Eta bukaeran manifestazio txikia egin zuten eraikinaren inguruan.
Bestalde, aramaioarrek Adif-ek komunikabide baten esandakoari (lurjausia ez dutela AHTko lanek eragin), erantzun zioten gezurra dela esanez. Horrez gain, salatu zuten AHTren lanak errudunak izateagatik, hedabide gehienen aldetik "beto informatiboa" jasotzen dabiltzala.
Horrekin batera, gogoratu zuten martitzenero, Aramaioko kultura etxean batzen direla 19:00etan, arazo honen aurrean zer jarduera egin erabakitzeko; eta interesatu guztiak gonbidatu zituzten esku hartzera.