Arabako Foru Aldundiaren Arabarri enpresa ari da birgaitze proiektu hori egiten. Arabarri enpresak herrietako erdiguneak zahar berritzen ditu. Abenduari dagokion osoko bilkuran aurkeztuko da Arabarrikoek egindako proiektua, eta onartuz gero Foru Planean aurkeztuko dute Diputaziotik diru laguntzak jaso ahal izateko.
Birgaitze lanen aurrekontua 135.000 eurokoa da. Horietatik 60.000 Arabarrik jarriko ditu eta gainontzeko dirua Diputazioko Foru Planetik jasotzea espero du Udalak.
Eraikinaren fatxada mantentzea da asmoa. Izan ere, eraikin hori da, Ibarrako garai bateko etxeen ezaugarriak mantentzen dituen bakarra. Hau da, eskailerak kanpoaldean dauzka, eta balkoian komuna. Lehenengo solairuan, hiltegiak lurzoruan zituen errailak ere mantendu egingo dituzte. Horretarako tarima flotatzaile bat jarriko dute, kristalezkoa izango dena. Lehenengo solairua erakusketak egiteko erabiliko da. Bigarren eta hirugarren solairuaren erabilera zehazteke dago oraindik. Baina baliteke Udaletxean teknikariek lan egiteko erabiltzea.