Zapatuan, mezaren ostean, bermut dantza egingo dute trikitilariekin. Nobedaderik ere izango da aurten. Patata tortilla lehiaketa aurten auzotar guztiei zabalik dago. Beraz, arrautza eta patatak hartu eta gantzagar guztiak tortillak egitera animatu beharko dira. Zapatu gauean erromeria egongo da Jon Ostolaza eta Unai Andonegirekin. Hotza egiten duela-eta, ohera joan aurretik txokolate beroa eskainiko dute.
Domekan txirrindularien eguna izango da. Aurten Gantzagara Txirrindulari Igoeraren 28. edizioa egingo dute. Lasterketaren ostean trikipoteoa egingo dute trikitilariekin eta arratsaldean tute txapelketa.