Giroa alaitzeaz gain, jatekoak eta dirua ere bildu dute eskolako umeek: intxaurrak, txokolatea, txorizoa, urrak... Jasotako jaki guzti horiek kaxatan sailkatu dituzte eta datozen asteotan atsedenaldietan Santa Ageda bezperan batutako txorizo eta txokolatea jateko aukera izango dute. Dirua, berriz, urte amaierako irteerarako erabiliko dute. Pasa den urtean, esaterako, diru horri esker izozki gozoa jan zuten ikasturte amaieran egindako irteeran.
Bizente Goikoetxea abesbatza
Eskolako umeei Bizente Goikoetxea abesbatzako kideek hartu diete errelebua gaur arratsaldean. 14:30ean herriko plazan elkartu dira eta Ibarrako kaleetan zehar ibili ostean, oinez baserrietara joan dira. Baserriz-baserri kantuan ibili ostean kalera itzuli dira berriro ere. Horiek ere eztarriz sano dabiltzala erakutsi dute.
Uribarri auzoan ere kantuan
Uribarri auzoko bizilagunak ere kantuan ibili dira. Aurten gainera elurpean ibili behar izan dira baserriz-baserri. Uribarriko bizilagun batek bidalitako argakizia duzue hemen. Neguko giro polita, benetan!
