Aramaioko Euskara batzordea arduratuta dago azken urteetan euskararen erabilerak izan duen beherakadarekin. Orain dela hilabete batzuk Soziolinguistika Klusterrak egindako azterketa baten arabera, Aramaion kaleko elkarrizketan %56 izaten da euskaraz. Hau da, erdia baino apur bat gehiago besterik ez. Egoerari buelta emateko Euskara batzordeak hainbat ekimen ipini ditu abian; azkena euskara ikasteko ikastaroa.
Udaleko euskara teknikari Rosa Mondragonek azaldu du hutsune handia sumatzen dutela euskararen erabileran: "Konturatzen gara oinarrizko euskara mailara iristen ez den jende asko dagoela, hau da, elkarrizketa bat euskaraz egiteko gai ez dena. Eskolatik ere azaldu digute bileretan gurasoek askotan esaten dutela ezin dietela umeei etxeko lanak egiten lagundu euskaraz ez dakitelako".
Euskara batzordeak adierazi du ikastaroak motzak eta oso praktikoak izango direla eta interesa azaltzen duen edonorendako izango direla, maila edozein izanda ere.
Udaletxean edo liburutegian eman behar da izena ekainaren 15a baino lehen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak