Esaldi lehiaketa deitu dute San Martin jaietarako

Uztaileko San Martin jaiei begira esaldi lehiaketa deitu du Aramaioko Udalak. Nahi duten herritar guztiek parte hartu ahal izango dute eta partaideek jaiekin zerikusia duten esaldiak aurkeztu beharko dituzte. Esaldiak aurkezteko epea martitzenera arte, maiatzaren 4ra arte dago zabalik eta interesatuek udaletxera jo dezakete. Aurkezten duten gutun-azalaren kanpoaldean zera idatzi beharko dute: San Martin jaietako esaldi lehiaketa.

Irabazlearendako sari bakarra izango da: Aramaioko produktuz osatutako otarrea eramango du esaldi onenaren egileak.

Jai batzordearen bilera

Jaiekin jarraituz, Jai batzordeak badihardu antolaketa lanetan eta dagoeneko hainbat bilera egin dituzte. Hain zuzen ere, eguaztenean, maiatzaren 5ean, beste bilera bat egingo dute udaletxean, 18:00etan. Gaiarekin interesatutako herritar guztiei parte hartzeko dei egin die Jai batzordeak. Parte-hartze zabala lortzea da batzordearen helburuetako bat.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.