Urtero moduan, Nardeaga kalean denetariko postuak ikusteko aukera egongo da: barazkiak, fruituak, loreak, eztia, sagardoa... Baina horrez gain animaliak ere egongo dira aurten. Kultura etxe pareko parkean zaldiak, behiak, ahuntzak, ardiak eta hegaztiak ikusi ahalko dira. Horiek guztiak Aramaioko baserrietakoak izango dira.
Bazkaria eta oparia
Erretiratuak izango dira, beraz, protagonistak Aramaion zapatuan; Goizean meza egongo da eta trikitilariek eta dantzariek, ondoren, azoka ingurua girotuko dute. 14:30ean, gero, herriko erretiratuek bapo bazkalduko dute kiroldegian.Opariak ere izango dira tartean. Zozketa egingo dute eta aurten ere, besteak beste, Benidormera bidaia egiteko aukera izango du norbaitek. Bazkaldu ostean, dantzaldiarekin, giro polita izango dute erretiratuek kiroldegian.