Erlaxazio teknikak
Marijo Pagaldai izango da erlaxatzeko tekniken inguruan mintzatuko dena. Pagaldai erizaina da formazioz eta osasun kontuekin lotutako hainbat ikastaro eta hitzaldi eskaintzen ditu; tai txi irakaslea ere bada Eskoriatzan. Eguneroko bizitzak erlaxatzeko erabil daitezkeen tekniken inguruan hitz egingo du Pagaldaik. "Erlaxatzea ez da sofan botata egotea. Nire hitzaldia eguneroko jarduerei zuzenduta egongo da. Alde teorikoa izango du, baina baita praktikoa ere. Erlaxatzeko zein ariketa egin behar diren ere azalduko dut", adierazi digu Pagaldaik.
Kontserben ikastaroa
Jakion enpresako Susana Aiastuik kontserbak etxean nola egin irakatsiko die erretiratuei. Hitzaldi teorikoa izango da; beraz, bertara joaten direnek etxean ipini beharko dute praktikan Aiastuik azaldutako guztia. Jakionen barazkien eta fruituen kontserbak egiten dituzte eta hitzaldia, batez ere, horiei zuzenduta egongo da.